அமெரிக்க ஜனாதிபதி தேர்தலில் திடீர் திருப்பம் : ஜோ பைடன் விலகல் !

எதிர்வரும் ஜனாதிபதித் தேர்தலில் போட்டியிடப் போவதில்லை என அமெரிக்க ஜனாதிபதி ஜோ பைடன் அறிவித்துள்ளார்.

தான் சார்ந்த ஜனநாயகக் கட்சி மற்றும் தேசத்தின் நலனுக்காக இந்த முடிவை எடுத்திருப்பதாக அவர் கூறியுள்ளார்.

துணை ஜனாதிபதி இருப்பவரும் இந்திய வம்சாவளியைச் சேர்ந்தவருமான கமலா ஹாரிஸ் ஜனாதிபதியாக தனது ஆதரவையும் ஜோ பைடன் தெரிவித்துள்ளார்.

எதிர்வரும் நவம்பர் மாதம் அமெரிக்க ஜனாதிபதி தேர்தல் நடைபெற இருக்கும் நிலையில் பைடன் இந்த தீர்மானத்தை எடுத்துள்ளார்.

குடியரசுக் கட்சி சார்பில் முன்னாள் ஜனாதிபதி டொனால்ட் டிரம்ப் போட்டியிடும் நிலையில், ஜோ பைடனின் விலகலால் ஜனாதிபதி தேர்தலில் புதிய சுவாரஸ்யம் ஏற்பட்டுள்ளது.

ஜோ பைடனின் செயல்திறன் உள்ளிட்டவற்றை விமர்சித்து சொந்தக் கட்சியினரே அவரை போட்டியில் இருந்து விலகுமாறு அழுத்தம் கொடுத்து வந்தனர்.

ஹாலிவுட் பிரபலங்கள் உள்பட பலரும் ஜோ பைடன் போட்டியில் இருந்து விலக வேண்டும் என்று கூறிவந்தனர்.

இந்த நிலையில், அவரது அறிவிப்பு வெளியாகி இருக்கிறது.

தனது ஆதரவை கமலா ஹாரிஸுக்கு ஜோ பைடன் வழங்கியிருந்தாலும் அவர் ஜனாதிபதி பதிவிக்குப் போட்டியிடுவதற்கான அறிவிப்பு இன்னும் வெளிவரவில்லை.

சமூக வலைத்தளமான எக்ஸில் தனது அறிவிப்பை வெளியிட்டுள்ள ஜோ பைடன், துணை அதிபர் கமலா ஹாரிஸ் ஜனநாயகக் கட்சி சார்பில் ஜனாதிபதி தேர்தலில் போட்டியிடுவதற்கு ஆதரவு தெரிவிப்பதாகக் குறிப்பிட்டுள்ளார்.

குறித்த பதிவில்,

“ஜனாதிபதி தேர்தல் போட்டியில் இருந்து விலக முடிவு செய்துள்ளேன்.

மீதமுள்ள எனது பதவிக்காலத்தில் எனது கடமைகளைச் செய்வதில் எனது முழு ஆற்றலையும் செலுத்த முடிவு செய்துள்ளேன்.

2020 ஆம் ஆண்டில் கட்சியின் வேட்பாளராக கமலா ஹாரிஸை துணை ஜனாதிபதியாக தேர்ந்தெடுப்பதே எனது முதல் முடிவு.

என்னுடைய இந்த முடிவு சிறப்பானது.

இன்று நான் கமலா ஹாரிஸை எங்கள் கட்சியின் வேட்பாளராக முழுமையாக ஆமோதிக்கிறேன்.

ஜனநாயக கட்சியின் ஒன்றுபட்டு டிரம்பை தோற்கடிக்க வேண்டிய நேரம்.” என்று ஜோ பைடன் தனது பதிவில் குறிப்பிட்டுள்ளார்.

My fellow Democrats, I have decided not to accept the nomination and to focus all my energies on my duties as President for the remainder of my term. My very first decision as the party nominee in 2020 was to pick Kamala Harris as my Vice President. And it’s been the best… pic.twitter.com/x8DnvuImJV

— Joe Biden (@JoeBiden) July 21, 2024

பைடனின் அறிவிப்பைத் தொடர்ந்து ஜனநாயகக் கட்சியினர் பெரும்பாலும் கமலா ஹாரிஸை ஆதரிக்க வாய்ப்புள்ளது.

ஜனநாயகக் கட்சியின் தேசிய மாநாடு அடுத்த மாதம் நடக்கும்போது, ஜனாதிபதி வேட்பாளர் மற்றும் துணை ஜனாதிபதி வேட்பாளர்கள் அறிவிக்கப்படுவார்கள் என்பதும் குறிப்பிடத்தக்கது