எல்.பி.எல் தொடர் ஆரம்பம் ;  கண்டி – தம்புள்ளை இன்று பலபரீட்சை

லங்கா பிரீமியர் லீக் -2024, ரி20 கிரிக்கெட் போட்டித் தொடர் இன்று (01) ஆரம்பமாகவுள்ள நிலையில், இதன் தொடக்க விழா பல்லேகல சர்வதேச கிரிக்கெட் மைதானத்தில் மாலை 06 மணிக்கு நடைபெறவுள்ளது.

இதேவேளை இன்று (01) இரவு 7:00 மணிக்கு கண்டி ஃபால்கன்ஸ் (Kandy Falcons ) மற்றும் தம்புள்ளை சிக்சர்ஸ் அணிகளுக்கு இடையில் முதல் போட்டி நடைபெறவுள்ளது.

லங்கா பிரீமியர் லீக் ரி20 போட்டித் தொடரின் முதலாவது போட்டி உட்பட கண்டி பல்லேகல் மைதானத்தில் 5 போட்டிகளும், அதனைத் தொடர்ந்து 9 போட்டிகள் ரங்கிரி தம்புள்ளை சர்வதேச கிரிக்கெட் மைதானத்தில் 5ஆம் திகதி முதல் 10ஆம் திகதி வரை நடைபெறவுள்ளன.