தன்சலுக்கு சென்ற சிறுமி துஷ்பிரயோகம் : 05 பேர் கைது!
ஹங்வெல்ல பகுதியில் 17 வயதுடைய சிறுமி ஒருவரை கூட்டுப் பாலியல் வன்புணர்வுக்கு உட்படுத்திய குற்றச்சாட்டில் ஐந்து பேர் கைது செய்யப்பட்டுள்ளனர்.
மேலும் , இந்த சம்பவத்துடன் தொடர்புடைய மேலும் சில சந்தேகநபர்களை தேடி வருவதாக பொலிஸார் தெரிவித்துள்ளனர்.
ஹங்வெல்ல கீழ் கொஸ்கம பகுதியில் 17 வயதுடைய சிறுமி தமது சித்தியுடன் தன்சலுக்கு சென்றுள்ளார்.
இதன்போது தான் புத்தக நிலையம் ஒன்றிற்கு செல்வதாக சித்தியிடம் கூறிய நிலையில் அவரது காதலனை சந்திப்பதற்காக சென்றுள்ளதாக தெரிவிக்கப்படுகின்றது.
காதலனை சந்திக்க சென்ற இடத்தில் குறித்த சிறுமியை காதலன் உட்பட ஐந்து பேர் கொண்ட கும்பல் ஹன்வெல்ல அம்குகம பிரதேசத்தில் உள்ள பாழடைந்த பகுதிக்கு அழைத்துச் சென்று தன்னை வன்புணர்வு செய்ததாக சிறுமி பொலிஸாரிடம் தெரிவித்துள்ளார்.
குறித்த சம்பவம் தொடர்பில் ஹங்வெல்ல பொலிஸார் ஐந்து பேரை கைது செய்துள்ளதாக தெரிவித்துள்ளனர்.
