24 மணித்தியாலங்களுக்குள் 5 பேர் பலி
24 மணித்தியாலங்களுக்குள் பதிவான வெவ்வேறு வீதி விபத்துக்களில் 5 பேர் உயிரிழந்துள்ளனர்.
அதன்படி, நேற்று (12) பிட்டிகல – எல்பிட்டிய வீதியின் அமுகொட பிரதேசத்தில் மோட்டார் சைக்கிள் மோதியதில் 68 வயதுடைய நபரொருவர் உயிரிழந்துள்ளார்.
கொழும்பு – ஹொரணை வீதியில் கொனபால பிரதேசத்தில் நேற்று முச்சக்கரவண்டியின் மீது லொறி மோதியதில் 34 வயதுடைய பெண்ணொருவர் உயிரிழந்துள்ளதுடன், இரண்டு குழந்தைகள் உட்பட மூவர் காயமடைந்துள்ளனர்.
கொழும்பு – காலி பிரதான வீதியின் தொடந்துவ பிரதேசத்தில் நேற்று பிற்பகல் பாரவூர்தி மோதியதில் 71 வயதுடைய நபரொருவர் உயிரிழந்துள்ளார்.
நேற்று மாலை பதுரெலிய பொலிஸ் பிரிவில் தனியார் பஸ் ஒன்றுடன் மோட்டார் சைக்கிள் மீது நேருக்கு நேர் மோதியதில் மோட்டார் சைக்கிளில் பயணித்தவர் உயிரிழந்துள்ளார்.
கட்டுபொத்த பொலிஸ் பிரிவிற்குட்பட்ட பகுதியில் பாதசாரி மீது வேன் ஒன்று மோதியதில் 63 வயதுடையவர் உயிரிழந்துள்ளார்.
குறித்த விபத்துக்கள் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.
