ஹொங்கொங் சூப்பர் சிக்ஸ் : பாகிஸ்தானை வீழ்த்தி சம்பியனானது இலங்கை!
ஹொங்கொங் சிக்சர்ஸ் எனப்படும் 6 ஓவர்கள் கிரிக்கெட் தொடரின் இறுதிப் போட்டியில் இலங்கை அணி 3 விக்கெட்டுகள் வித்தியாசத்தில் வெற்றிபெற்று இலங்கை அணி கிண்ணத்தை வென்றுள்ளது.
குறித்த போட்டியில் பாகிஸ்தான் மற்றும் இலங்கை அணிகள் மோதின.
போட்டியின் நாணய சுழற்சியில் வெற்றிபெற்ற இலங்கை அணி முதலில் களத்தடுப்பில் ஈடுபடத் தீர்மானித்தது.
இதன்படி முதலில் துடுப்பெடுத்தாடிய பாகிஸ்தான் அணி 5.2 ஓவர்கள் நிறைவில் சகல விக்கெட்டுகளையும் இழந்து 72 ஓட்டங்களைப் பெற்றது.
இதற்கமைய 73 எனும் வெற்றி இலக்கை நோக்கி துடுப்பெடுத்தாடிய இலங்கை அணி 5 ஓவர்கள் நிறைவில் 3 விக்கெட்டுகளை இழந்த நிலையில் வெற்றி இலக்கை கடந்தது.
இந்தநிலையில் 17 வருடங்களின் பின்னர் இலங்கை அணி ஹொங்கொங் சிக்சர்ஸ் தொடரில் சம்பியனானமை குறிப்பிடத்தக்கது.
