சஜித் பிரேமதாசவின் தீபாவளி வாழ்த்து!
இலங்கை மற்றும் உலகெங்கிலும் வாழும் இந்து மக்களுக்கு வாழ்த்துக்களைத் தெரிவிப்பதில் மிகவும் மகிழ்ச்சி அடைவதாக ஐக்கிய மக்கள் சக்தியின் தலைவர் சஜித் பிரேமதாச தெரிவித்துள்ளார்.
அவர் வெளியிட்டுள்ள தீபாவளி வாழ்த்து செய்தியில் இந்த விடயம் குறிப்பிடப்பட்டுள்ளது.
அறியாமை எனும் இருளை அகற்றி ஞானத்தின் ஒளியால் உலகமே ஒளிமயமாகட்டும்.
ஒரு நாடாக இந்த தருணத்தில் நமக்குப் பல சவால்கள் உள்ளன.
இனம், மதம், சாதி, குலம், என்ற வேறுபாடுகளின்றி அனைவரும் கைகோர்த்தால் மட்டுமே இந்த சவால்கள் அனைத்தையும் வெற்றி கொள்ள முடியும் என ஐக்கிய மக்கள் சக்தியின் தலைவர் சஜித் பிரேமதாச தெரிவித்துள்ளார்.
மேலும், ஐக்கிய மக்கள் சக்தியின் தலைவர் சஜித் பிரேமதாச இன்றைய தினம் ஐக்கிய மக்கள் சக்தியின் கொழும்பு மேற்கு தேர்தல் தொகுதியின் பிரதான அமைப்பாளர் அப்சாரி சிங்கபாகு திலகரத்ன தலைமையில் பம்பலப்பிட்டி மாணிக்கம் பிள்ளையார் கோவிலில் நடைபெற்ற தீபாவளி விசேட பூஜைகளில் கலந்துகொண்டமை குறிப்பிடத்தக்கது.
