யாழ்.பல்கலை மாணவர் ஒன்றியத்தின் புதிய செயலாளருக்கு பலத்த எதிர்ப்பு !
யாழ்ப்பாணப் பல்கலைக்கழக மாணவர் ஒன்றிய செயலாளராக சட்டவிரோதமான முறையில் புதிதாகப் பதவியேற்றவருக்கு பலத்த எதிர்ப்புகள் கிளம்பியுள்ள தோடு பல்கலைக்கழக மட்டத்தில் விசாரணைகளும் ஆரம்பமாகியுள்ளன.
யாழ்ப்பாணப் பல்கலைக்கழக மாணவர் ஒன்றியச் செயலாளராக இதுவரை காலமும் பதவிவகித்தவர் தனது கற்கைகளை முடித்து வெளியேறிய நிலையில் அவருடைய பதவிக்கு முன்னைய ஒன்றியத்தின் நிர்வாகக் குழுவில் அங்கம் வகித்த ஒருவர் யாப்பு விதிகளுக்கு முரணாக புதிதாக பதவியேற்றுள்ளார்.
இதனால் புதிய கலைப்பீட மாணவர் ஒன்றியத்துக்கான பிரதிநித்துவம் தடுக்கப்பட்டுள்ளது.
இதற்கு எதிராக கலைப்பீட மாணவர் ஒன்றியம் மற்றும் விரிவுரையாளர்கள் எதிர்ப்புகளை வெளியிட்டுள்ளனர்.
சட்டவிரோதமான பதவியேற்பு தொடர்பான விசாரணைகளை உடன் மேற்கொள்ளுமாறு கலைப்பீட மாணவர் ஒன்றியத்தினரால் கோரிக்கை கடிதமொன்றும் துணைவேந்தரிடமும் மாணவர் நலச்சேவை அலுவலகத்திடமும் கையளிக்கப்பட்டது.
கலைப்பீட மாணவர் ஒன்றியத்தை பிரதிநிதித்துவப்படுத்தி பிரதான மாணவர் ஒன்றியச் செயலாளர் பதவி வகிக்கும் நிலையில் முன்னைய ஒன்றியத்தின் காலம் நிறைவடைந்த நிலையில் வறிதாக்கப்பட்ட செயலாளர் பதவிக்கு கலைப்பீட மாணவர் ஒன்றியத்தில் அங்கம் வகிக்காத ஒருவர் புதிதாக பிரதான மாணவர் ஒன்றியச் செயலாளர் பதவியை கைப்பற்றியமை யாப்பு விதிமுறைகளுக்கு சட்டவிரோதமானது எனயாழ். பல்கலைக்கழக ஆசிரியர் சங்கவட்டாரங்கள் எதிர்ப்பு வெளியிட்டுள்ளன
