பட்டு சேலைக்குள் போதைப்பொருள் கடத்தியவர் கைது

பட்டுச் சேலைகளுக்குள் சுமார் ஒரு கிலோ கிராம் ஐஸ் போதைப்பொருளை மறைத்து நாட்டுக்குள் கொண்டுவர முற்பட்ட, இந்திய பிரஜையொருவர் கட்டுநாயக்க விமான நிலையத்தில் சுங்க அதிகாரிகளால் கைது செய்யப்பட்டுள்ளார்.

மலேஷியாவிலிருந்து வந்த யூ.எல் 315 என்ற ஸ்ரீலங்கன் விமானத்தில் வந்த இந்தியப் பிரஜையின் பயணப் பொதிக்குள்ளிருந்த பட்டுச் சாரிகளுக்குள், 01 கிலோ கிராம் ஐஸ் போதைப்பொருள் மறைத்து வைக்கப்பட்டிருந்ததை சுங்கத்துறை அதிகாரிகள் கண்டுபிடித்துள்ளனர்.

இந்த போதைப்பொருளின் பெறுமதி சுமார் 25 மில்லியன் ரூபாய் என மதிப்பிடப்பட்டுள்ளது. போதைப்பொருளுடன் சந்தேகநபர் மேலதிக விசாரணைகளுக்காக பொலிஸ் போதைப்பொருள் ஒழிப்புப் பிரிவினரிடம் ஒப்படைக்கப்பட்டுள்ளார்.