இலக்கியத்திற்கான நோபல் பரிசு அறிவிப்பு !
தென்கொரிய பெண் எழுத்தாளர் ஹான் காங்குக்கு 2024ஆம் ஆண்டின் இலக்கியத்துக்கான நோபல் பரிசு அறிவிக்கப்பட்டுள்ளது.
2024ஆம் ஆண்டுக்கான நோபல் பரிசுகள் தொடர்பான அறிவிப்பு 7ஆம் திகதி முதல்
வெளியாகி வருகிறது.
இதில் இலக்கியத்திற்கான நோபல் பரிசு நேற்று அறிவிக்கப்பட்டது.
வரலாற்றின் துயரங்களை எதிர்கொள்ளும் வகையில் கவிதைகளை இயற்றிய ஹான் காங்குக்கு நோபல் பரிசு வழங்கப்பட்டுள்ளது.
ஹான் காங்கின் இலக்கியங்கள் ஆணாதிக்கம், வன்முறை, துக்கம் மற்றும் மனிதநேயம் ஆகிய கருப்பொருள்களை உள்ளடக்கியதாக இருக்கும்.
அவரது நாவலான தி வெஜிடேரியன் 2015இல் டெபோரா ஸ்மித்தால் ஆங்கிலத்தில் மொழிபெயர்க்கப்பட்டது.
இந்த நாவல் 2016இல் சர்வதேச புக்கர் பரிசை வென்றது.
இதனிடையே தங்க பதக்கத்துடன் பரிசு தொகையை உள்ளடக்கிய நோபல் விருதுகள் விருதை நிறுவிய அல்பிரட் நோபல் நினைவு தினமான டிசம்பர் 10ஆம் திகதி ஸ்டொக்ஹோமில் நடைபெறும் விழாவில் வழங்கப்படும்.
