அமெரிக்காவை ஹெலீன் புயல் தாக்கியதால் 227 பேர் உயிரிழப்பு

அமெரிக்காவில் ஹெலீன் புயலால் உயிரிழந்தோரின் எண்ணிக்கை 227-ஆக அதிகரித்துள்ளது.

கடந்த செப் 26-ஆம் திகதி அமெரிக்காவின் ஃபுளோரிடா மாகாணத்தை தாக்கிய ஹெலீன் புயலால் அதன் பின்னா் வடக்கு திசையை நோக்கி நகா்ந்துள்ளது.

புயலால் ஃபுளோரிடா, வடக்கு கரோலினா, தெற்கு கரோலினா, ஜியாா்ஜியா உள்ளிட்ட மாகாணங்கள் கடுமையாகப் பாதிக்கப்பட்டுள்ளன.

புயல் காரணமாக கடும் வெள்ளம் ஏற்பட்டு அங்குள்ள வீடுகள், சாலைகள், மின்சார கட்டமைப்புகள், தொலைப்பேசி சேவைகள் கடுமையாகப் பாதிக்கப்பட்டுள்ளன.

ஹெலீன் புயலால் உயிரிழந்தவா்களில் கிட்டத்தட்ட பாதி போ் வடக்கு கரோலினாவை சோ்ந்தவா்கள் என தெரியவருகிறது.

கடந்த 2005-ஆம் ஆண்டு அமெரிக்காவை தாக்கிய கட்ரினா புயலுக்குப் பிறகு அந்நாட்டை தாக்கிய புயல்களில் மிக மோசமானது ஹெலீன் புயல் என்று கூறப்படுகிறது.