டெஸ்ட் கிரிக்கெட்டில் புதிய சாதனையை நிலைநாட்டியுள்ள கமிந்து மெண்டிஸ்

காலி சர்வதேச மைதானத்தில் நியூசிலாந்துக்கு எதிரான போட்டியின் போது இலங்கையின் இளம் துடுப்பாட்ட வீரரான கமிந்து மெண்டிஸ் வேகமாக ஐந்து டெஸ்ட் சதங்களை அடித்த ஆசிய வீரர் என்ற சாதனையை படைத்துள்ளார்.

இது இவரது 13ஆவது டெஸ்ட் இன்னிங்ஸில் ஆகும்.

இதன் மூலம், உலகளாவிய ரீதியில் அவுஸ்திரேலிய வீரர் டான் பிராட்மேனை சமன் செய்துள்ளார், அவர் 13 இன்னிங்ஸ்களில் ஐந்து சதங்களை எட்டினார். பிராட்மேன் மற்றும் மேற்கிந்திய தீவுகளின் ஜார்ஜ் ஹெட்லியுடன் இடத்தைப் பகிர்ந்து கொண்ட மெண்டிஸ் இப்போது உலகளவில் கூட்டு மூன்றாவது வேகமான வீரராக இடம்பெற்றுள்ளார்.

இந்த சாதனையானது, பாகிஸ்தானின் ஃபவாத் ஆலமின், 22 இன்னிங்ஸ்களில், ஐந்து டெஸ்ட் சதங்கள் அடித்த அதிவேக ஆசியாவின் சாதனையையும் முறியடித்துள்ளமை குறிப்பிடத்தக்கது.