ரஷ்ய – உக்ரைன் போருக்காக இலங்கையிலிருந்து ஆட்கடத்தலில் ஈடுபட்டவர் கைது

ரஷ்ய – உக்ரைன் போருக்காக சட்டவிரோதமான முறையில் இலங்கையிலிருந்து ஆட்கடத்தலில் ஈடுபட்ட மற்றுமொருவர் கைது செய்யப்பட்டுள்ளார்.

அதற்கமைய, இவ்வாறான சம்பவம் தொடர்பில் இதுவரை 07 பேர் கைது செய்யப்பட்டுள்ளனர்.

இவர்களில் ஓய்வுபெற்ற மேஜர் ஜெனரல் மற்றும் சார்ஜன்ட் ஒருவரும் உள்ளடங்குகின்றனர்.

ரஷ்ய – உக்ரைன் யுத்தத்தில் இணைந்த இலங்கையர்கள் 6 பேர் உயிரிழந்துள்ளமை தற்போது உறுதி செய்யப்பட்டுள்ளது.

ரஷ்ய – உக்ரைன் மோதலில் 64 இலங்கையர்கள் பங்குபற்றியுள்ளமை இதுவரை முன்னெடுக்கப்பட்ட விசாரணைகளில் தெரியவந்துள்ளது.

எவ்வாறாயினும், இந்த எண்ணிக்கை தொடர்ந்தும் அதிகரித்துச் செல்வதற்கான சந்தர்ப்பம் காணப்படுவதாக சிரேஷ்ட பொலிஸ் உத்தியோகத்தர் ஒருவர் தெரிவித்தார்.

இந்த ஆட்கடத்தல் தொடர்பான தகவல்களை பாதுகாப்பு அமைச்சின் 011-2 441 146 எனும் இலக்கத்திற்கு தெரிவிக்க முடியும்.