700 வேட்பாளர்கள் பறந்து விட்டனர்
உள்ளூராட்சி மன்றங்களுக்கு வேட்புமனு தாக்கல் செய்த சுமார் 700 வேட்பாளர்கள் பொருளாதார பிரச்சினை காரணமாக வெளிநாடு சென்றுள்ளதாக மாவட்ட தேர்தல் அலுவலக வட்டாரங்கள் தெரிவிக்கின்றன.
மேலும், கிட்டத்தட்ட இருபது வேட்பாளர்கள் இறந்து விட்டதாக அதே ஆதாரங்கள் குறிப்பிடுகின்றன.
இது தவிர, பல்வேறு காரணங்களால் கிட்டத்தட்ட ஐந்நூறு வேட்பாளர்கள் கட்சி மாறியுள்ளதாகத் தேர்தல் அதிகாரிகளுக்குத் தெரிய வந்துள்ளது.
இது தொடர்பில் தேர்தல்கள் ஆணைக்குழுவின் தலைவர் ஆனந்த ரத்நாயக்கவிடம் கேட்டபோது, உள்ளூராட்சி மன்றங்களுக்கு வேட்புமனு தாக்கல் செய்தவர்களின் விபரங்களைக் கண்டறியும் விசேட நடவடிக்கை எதிர்வரும் காலங்களில் அமுல்படுத்தப்படும் என தெரிவித்தார்.
உள்ளூராட்சி சபைத் தேர்தல் தொடர்பான புதிய வர்த்தமானி அறிவித்தல் வெளியிடப்பட்டதன் பின்னர், வேட்பாளர்கள் தொடர்பில் ஆராயப்படும் என்றும் அவர்
குறிப்பிட்டுள்ளார்.
அதற்கு மாவட்டச் செயலகங்கள் மற்றும் அந்தந்த அரசியல் கட்சிகளின் ஆதரவைப் பெறலாம் என தேர்தல் ஆணையம் நம்புகிறது. இந்த உண்மைகளால் உள்ளூராட்சி மன்றத் தேர்தலை நடத்துவதில் பல நடைமுறை சிக்கல்கள் ஏற்பட்டுள்ளதாகத்
தேர்தல் அதிகாரிகள் சுட்டிக்காட்டுகின்றனர்.
உள்ளூராட்சி மன்றங்களுக்கான 8,711 வேட்பாளர்களைத்தெரிவு செய்வதற்கு 2023 ஏப்ரல் மாதம் வேட்புமனுக்கள் கோரப்பட்டன, அதில் 80,672 பேர் வேட்பு மனுக்களைத்
தாக்கல் செய்திருந்தனர்.
