யுக்திய நடவடிக்கையில் 626 சந்தேக நபர்கள் கைது

நாடளாவிய ரீதியில் நேற்று (18) காலை வரையான 24 மணி நேரத்தில் யுக்திய நடவடிக்கையில் 620 ஆண்களும் 6 பெண்களும் கைது செய்யப்பட்டுள்ளனர்.

கைதான சந்தேக நபர்களில் 7 பேர் மேலதிக விசாரணைக்காக பொலிஸ் தடுப்புக் காவலில் வைக்கப்பட்டுள்ளனர். இருவர் புனர்வாழ்வு மையத்துக்கு அனுப்பி வைக்கப்பட்டுள்ளனர் என்று பொலிஸார் தெரிவித்துள்ளனர்.

இந்த சுற்றிவளைப்பில் மேல் மாகாணத்தில் 418 ஆண்கள், 5 பெண்கள் கைது செய்யப்பட்டனர். இவர்களிடமிருந்து 90 கிராம் ஹெரோயின், 127 கிராம் ஐஸ் மற்றும் 236 கிராம் கஞ்சா என்பன கைப்பற்றப்பட்டன என்று பொலிஸார் தெரிவித்தனர்.

தென் மாகாணத்தில் மேற்கொள்ளப்பட்ட சுற்றிவளைப்பில் 52 பேர் கைது செய்யப்பட்டுள்ளனர். இவர்களிடமிருந்து 52 கிராம் ஹெரோயின், 1.8 கிலோ கிராம்
கஞ்சா கைப்பற்றப்பட்டன என்று தெரிவிக்கப்பட்டது.