பாராளுமன்ற உறுப்பினர்களின் பாதுகாப்பு குறித்து அரசாங்கம் இன்னும் எந்த முடிவும் எடுக்கவில்லை
பாராளுமன்ற உறுப்பினர்களின் பாதுகாப்பிற்காக பொலிஸ் அதிகாரிகளை வழங்குவது குறித்து அரசாங்கம் இன்னும் எந்த முடிவும் எடுக்கவில்லை என்றும் பாராளுமன்ற உறுப்பினர்களின் பாதுகாப்பு தொடர்பாக அரசாங்கம் பின்பற்றும் கொள்கையில் எந்த மாற்றமும் இல்லை என்றும் பொது பாதுகாப்பு அமைச்சர் ஆனந்த விஜேபால தெரிவித்துள்ளார்.
மேலும் அவர், ” பாராளுமன்ற உறுப்பினர்களுக்கு பொலிஸ் பாதுகாப்பு வழங்க கோரிக்கைகள் விடுக்கப்பட்டிருந்தன, மேலும் சபாநாயகர் இந்த விவகாரம் குறித்து ஆராய்ந்து உரிய நடவடிக்கை எடுக்குமாறு பொலிஸாருக்கு அறிவித்திருந்தார்.
அதன்படி, அனைத்து பாராளுமன்ற உறுப்பினர்களுக்கும் பொலிஸ் பாதுகாப்பு வழங்க அரசாங்கம் முடிவு செய்துள்ளதாக சில ஊடக செய்திகள் தெரிவித்தன.
இது தொடர்பில் கருத்து வெளியிட்ட அமைச்சர், தேவைப்பட்டால் மட்டுமே சம்பந்தப்பட்ட பாராளுமன்ற உறுப்பினர்களுக்கு பொலிஸ் பாதுகாப்பு வழங்க நடவடிக்கை எடுக்கப்படும் என்று தெரிவித்துள்ளார்.
