அஸ்பன்யோலிடம் தோற்ற மட்ரிட்

ஸ்பானியக் கால்பந்தாட்டக் கழகங்களுக்கிடையிலான லா லிகாத் தொடரில், அஸ்பன்யோலின் மைதானத்தில் நேற்று (02) அதிகாலை நடைபெற்ற அவ்வணியுடனான போட்டியில் 0-1 என்ற கோல் கணக்கில் நடப்புச் சம்பியன்களான றியல் மட்ரிட் தோற்றது.

அஸ்பன்யோல் சார்பாகப் பெறப்பட்ட கோலை கார்லோஸ் றொமேரோ பெற்றிருந்தார்.

லா லிகா புள்ளிகள் பட்டியலில் 49 புள்ளிகளுடன் முதலாமிடத்தில் றியல் மட்ரிட் காணப்படுகின்றது. 48 புள்ளிகளுடன் இரண்டாமிடத்தில் அத்லெட்டிகோ மட்ரிட்டும், 42 புள்ளிகளுடன் மூன்றாமிடத்தில் பார்சிலோனாவும், 40 புள்ளிகளுடன் நான்காமிடத்தில் அத்லெட்டிக் பில்பாவும் காணப்படுகின்றன. இதில் பார்சிலோனா, பில்பாவோ ஆகியன மற்றைய அணிகளை விட ஒரு போட்டி குறைவாக விளையாடியுள்ளன.